«Өлке тарихы – ел тарихы» атты фотокөрме

Өткен күндер – тарих, бүгінгі күннің жетістіктері – басты құндылығымыз. Аудандық Мәдениет үйінде «Рухани жаңғыру» бағдарламасының аясында «Өлке тарихы – ел тарихы» атты фотокөрме өз мәресіне жетіп, оған аудандық мекемелерінің басшылары және қызметкерлері қатысты. Заманауи тұрғыда дайындалған фотокөрме тұрғындардың үлкен қызуғышылығын туғызды, себебі фотокөрмеде көрсетілген суреттер өңірдің егемендік жылдарындағы саяси-әлеуметтік жетістіктері жайлы баяндайды.

Ауданымыздың педагогикалық қауымы осындай тарихи әрі мәдени маңызы бар іс-шаралардан шет қалмайды. Фотокөрмені аудандық білім беру бөлімінің қызметкерлері қана емес, сонымен қатар Макинск қаласының орта мектептерінің оқушылары мен ұстаздары тамашалады.