ҚР БҒМ және «Атамекен» Ұлттық Кәсіпкерлер палатасының бастамасымен «Мектепке жол!» республикалық акциясы жыл бойы өтеді

«Ата мекенім» қоғамдық қорының қолдауымен «www.atamekenim.kz» порталында көмекке мұқтаж ата-аналар өз өтінімдерін қалдыра алатын «Мектепке жол» платформасы құрылды.

Өз кезегінде демеушілер мен меценаттар осы портал арқылы ақшалай қаражатты онлайн-аудара отырып көмек көрсете алады. Бұл платформа жыл бойы жұмыс жасайды.

Ата-аналардан немесе оларды алмастырушы тұлғалардан түскен өтініштер Ұлттық білім беру дерекқорының мәліметтерімен салыстырылатын болады, одан кейін көмек атаулы түрде бөлінетін болады.

Сонымен қатар, көмек көрсетудің дәстүрлі әдістері жалғасатын болады.

Сонымен бірге, балалардың құқықтарын бұзу фактілері бойынша жедел әрекет ету және шаралар қабылдау үшін «Телеграмм» мессенджерінде «BALA QORGAÝ» (https://t.me/bala_qorgau) чаты құрылды.