Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
«Ақмола облысы білім басқармасының Бұланды ауданы бойынша білім бөлімі» мемлекеттік мекемесі
Государственное учреждение «Отдел образования по Буландынскому району управления образования Акмолинской области»
«БІЛІМ БЕРУ МЕКЕМЕЛЕРІНДЕГІ ТӘРБИЕ ЖҰМЫСЫ ЖҮЙЕСІНІҢ ПАНОРАМАСЫ» АУДАНДЫҚ КОНКУРСЫ
16.05.2017
«БІЛІМ БЕРУ МЕКЕМЕЛЕРІНДЕГІ
ТӘРБИЕ ЖҰМЫСЫ ЖҮЙЕСІНІҢ ПАНОРАМАСЫ»
АУДАНДЫҚ КОНКУРСЫ
Тәлім-тәрбие барлық істің басы. Бала, ұстаз және ата-ана тәрбие жүйесінің негізгі ұйытқысы. Еліміздің ертеңгі
азаматын тәрбиелеуде мектептің соның ішінде ұстаздар қауымының үлесі зор. Тәрбие
жұмысы тек жүйелі атқарылған жағдайда ғана балаға саналы тәрбие бере
аламыз. Барлық ұстаздардың алға қойған мақсаты жас ұрпақты тәрбиелі де саналы, салауатты өз
елінің патриоты етіп тәрбиелеу. Бүгінгі жас ұрпақ біздің ертеңгі жарқын
болашағымыз. Сондықтан да оқушылардың қоғамда өз орынын
адаспай табуына, белсенді де бәсекелі тұлға болып қалыптасуына мектептің тәрбие жұмысы орасан зор үлес қоспақ.
Мектептегі спорттық секциялар мен түрлі үйірмелер мен клубтар баланы салауатты өмір салтын ұстануына,
жан-жақты таланты мен дарынын ашуына, еңбекқор болуына жол ашады. Осы
орайда аудандық білім бөлімі Макинск қаласының
мектеп-лицейінде қала және ауыл мектептерінің арасында «Білім беру
мекемелеріндегі тәрбие жұмысы жүйесінің панорамасы» атты байқау ұйымдастырды.
Байқауға барлығы 19 ұстаз қатысты.
Байқау барысында ұстаздар бір-бірімен тәжірибе алмасты. Байқауда оза шапқан жеңімпаздар да анықталды. Байқау қорытындысы бойынша Елтай орта мектебі директорының тәрбие ісі жөніндегі орынбасары Аймихан Мырзабек І
орынға ие болды. Ал ІІ орынды Балуан Шолақ атындағы мектеп-лицейінің технология
пәні мұғалімі Устажанова Ляззат Амантаевна және Макинск қаласы №3 орта мектебі биология пәні мұғалімі Черницова Надежда Викторовна иеленсе, ІІІ орынды балалар шығармашылық үйіндегі «Дебат»
үйірмесінің жетекшісі Нурмагамбетова Гуля Сайлыбековна, Аққайың орта мектебі директорының
тәрбие ісі жөніндегі орынбасары Сердюк Оксана Карповна, Макинск қаласы мектеп- гимназиясының география пәні мұғалімі Булгакова Елена Сергеевна иеленді. Байқауға қатысушылар барлығы аудандық білім бөдімі кәсіподақ ұыйымының атынан грамотамен, сыйлықтармен марапатталды. Жеңімпаздарды шын
жүректен құттықтаймыз және байқауға қатысқан барлық ұстаздарға және оларға
қолдау көрсеткен кәсіподақ ұыймының төрайымы Байтемірова Қарлығаш Әкімбаевнаға
алғыс білдіре отырып отбасыларыңызға амандық, шығармашылық табыс тілейміз.
Просмотров: 471